Ekskluzive: Kjo pritet të jetë top 10-shja e PDK-së në garën për deputet

Edhe pak ditë kanë mbetur nga përfundimi i listave të kandidatëve për deputet, të cilët do të garojnë me 6 Tetor në zgjedhjet e parakohshme parlamentare.

Nga burimet e Gazetës NewBorn brenda Partisë Demokratike të Kosovës tashmë dihen 10 emrat e kandidatëve për deputet në zgjedhjet e parakohshme parlamentare.

Kryetari i PDK-së, Kadri Veseli është bartësi i listës me numer 1, si dhe i njejti është nominuar nga Këshilli Drejtues i kësaj partie kandidat për Kryeministër.

Ndërsa në vendin e dytë pritet të jetë ministri në detyrë i Financave, Bedri Hamza.

Ndërsa befasia e kësaj liste pritet të jetë Valdete Idrizi nga Mitrovica, e cila aktualisht ushtron funksionin e kryetares së gruas demokratike në PDK.

Ndërsa për dallim nga lista e zgjedhjeve të vitit 2017, ish deputeti Andin Hoti, pritet të zë vendin e katërt në rënditjen e listes së këtij viti.

“Me numer pesë do të jetë Hajredin Kuçi” tha burimi.

Vendi i 6-të është i rezervuar për një grua, por që ende nuk është definuar.

Pastaj vjen Uran Ismajli, aktualisht minister në detyrë i Shëndetësisë, në vendin e 7-të, duke e pasuar ish deputeti Elmi Reçica nga Ferizaji me numer 8.

Vendin e 9-të pritet ta zë Evgjeni Thaçi – Dragushe, mbesa e Presidentit Hashim Thaçi, e cila kishte fituar zgjedhjet për deputete në vitin 2017.

Vendi i 10-të në këtë listë është i rezervuar për Memli Krasniqin, ish shef i grupit parlamentar të kësaj partie në zgjedhjet e fundit dhe nënkryetar i PDK-së.